N.P. SAYAJIGUNJ HINDI SCHOOL, 46 GORWA – nagar prathmik shikshan samiti

પ્રાથમિક શાળા માહિતી

N.P. SAYAJIGUNJ HINDI SCHOOL NO 46 GORWA

શાળાની શરૂઆતનું વર્ષ. 1988

સરનામું. IPCL ROAD NEAR UPHC GORWA VADODARA

આચાર્યશ્રી: ROHIT KAILASHCHANDRA GEHLOT

એન.પી. સયાજીગંજ હિન્દી શાળા નં. 46, ગોરવા ગોરવા વિસ્તારમાં આવેલી એક પ્રતિષ્ઠિત સરકારી શાળા છે, જે બાળકોને ગુણવત્તાસભર અને સંસ્કારી શિક્ષણ પ્રદાન કરવા માટે પ્રતિબદ્ધ છે. શાળાનું મુખ્ય લક્ષ્ય બાલવાડી થી ધોરણ ૮ સુધીના તમામ વિદ્યાર્થીઓને આરામદાયક અને સુરક્ષિત શૈક્ષણિક વાતાવરણમાં શિક્ષણ આપવું છે.

શાળા રાષ્ટ્રીય શિક્ષણ નીતિ 2020 અંતર્ગત, પૂર્વ પ્રાથમિક શિક્ષણ માટે બાલવાડીમાં ત્રણ વર્ષ પૂર્ણ કરેલા બાળકોને જુનિયર કે.જી. માં અને ચાર વર્ષ પૂર્ણ કરેલા બાળકોને સિનિયર કે.જી. માં વીર સાવરકર હિન્દી બાલવાડી દ્વારા તૈયારી આપવામાં આવે છે. પાંચ વર્ષની વય પૂર્ણ કરેલા બાળકો બાલવાટિકામાં પ્રવેશ કરે છે અને ધોરણ ૮ સુધીનો અભ્યાસ પૂર્ણ કરે છે. ધોરણ ૮ પાસ કર્યા પછી બાળકો વીર સાવરકર હિન્દી માધ્યમિક શાળામાં આગળના અભ્યાસ માટે પ્રવેશ મેળવે છે.

શાળામાં બાલવાડી થી ધોરણ ૮ સુધીના તમામ વિદ્યાર્થીઓને પોષણ સાથે શિક્ષણ આપવામાં આવે છે. દર બુધવારે આયર્ન ફોલિક એસિડ ટેબલેટનું વિતરણ થાય છે. સીવિયર એનિમિક વિદ્યાર્થીઓને તેમના માતા પિતાને માર્ગદર્શન આપી અને ચિકિત્સકોની દેખરેખ હેઠળ સારવાર પૂરી પાડવામાં આવે છે. શાળા વ્યવસ્થાપન સમિતિ અને શિક્ષકોના સહયોગથી ડ્રોપઆઉટ રેટ ઘટાડવા માટે સતત પ્રયત્ન કરવામાં આવે છે, જેમાં મહદ અંશે સફળતા પ્રાપ્ત થઈ છે.

વિદ્યાર્થીઓને વિભિન્ન સ્પર્ધાત્મક પરીક્ષાઓમાં સામેલ થવા માટે પ્રોત્સાહિત કરવામાં આવે છે અને તેઓ ઉત્તમ પરિણામો પ્રાપ્ત કરી રહ્યા છે. દિવ્યાંગ બાળકો માટે રિસોર્સ પણ શાળામાં કાર્યરત છે. શાળાની નવીન બિલ્ડીંગનું બાંધકામ ચાલુ છે, જે ભવિષ્યમાં શાળાને વધુ સુવ્યવસ્થિત અને આધુનિક શિક્ષણ માહોલ પ્રદાન કરશે. એન.પી. સયાજીગંજ હિન્દી શાળા નં. 46, ગોરવા ગુણવત્તાસભર શિક્ષણ અને સર્વાંગી વિકાસ માટે પ્રતિબદ્ધ એક શ્રેષ્ઠ શૈક્ષણિક સંસ્થા તરીકે જાણીતી છે.