DR. SHYAMA PRASAD MUKHERJEE GIRLS PRIMARY SCHOOL (MORNING), ATLADARA

ડૉ. શ્યામા પ્રસાદ મુખર્જી કન્યા પ્રાથમિક શાળાનું સ્થાપન વર્ષ 1981માં થયું હતું. શાળા ફક્ત કન્યાઓ માટે કાર્યરત છે અને વિદ્યાર્થીઓને ગુણવત્તાસભર પ્રાથમિક શિક્ષણ પ્રદાન કરતી મહત્ત્વપૂર્ણ શૈક્ષણિક સંસ્થા તરીકે જાણીતી છે.

શાળા વડોદરાના હાર્દ સમા વિસ્તાર અને સ્વામી નારાયણ મંદિરના સાનિધ્યમાં, અટલાદરા ગામમાં સ્થિત છે. અહીં કન્યાઓને શિક્ષણ સાથે સાથે સારા સંસ્કાર, શિસ્ત અને આત્મવિશ્વાસ વિકસાવવા માટે અનુકૂળ વાતાવરણ પ્રદાન કરવામાં આવે છે.

શાળામાં અધ્યતન અને ડિજિટલ વર્ગખંડો ઉપલબ્ધ છે અને હાલમાં અહીં 600થી વધુ બાળાઓ અભ્યાસ કરી રહી છે. સરકારશ્રીના શિક્ષણ વિભાગ, સમગ્ર શિક્ષા અને નગર શિક્ષણ સમિતિ તરફથી મળતી તમામ સુવિધાઓનો લાભ વિદ્યાર્થીઓને ઉપલબ્ધ થાય છે, જે શાળાના ગુણવત્તાસભર શિક્ષણમાં વધારો કરે છે.

શાળાના આધુનિક સુવિધાઓ સાથેનું નવું મકાન ટૂંક સમયમાં તૈયાર થવા જઈ રહ્યું છે. નવી બિલ્ડિંગ સાથે શાળા વધુ સુવ્યવસ્થિત અને આરામદાયક શૈક્ષણિક વાતાવરણ પ્રદાન કરશે, જેના દ્વારા કન્યાઓના સર્વાંગી વિકાસ માટે વધુ તક મળશે.