ADI SHANKARACHARYA PRIMARY SCHOOL, KARODIYA-1

નગર પ્રાથમિક શિક્ષણ સમિતિ સંચાલિત આદિ શંકરાચાર્ય પ્રાથમિક શાળા, કરોડિયા-૧ એક પ્રગતિશીલ શૈક્ષણિક સંસ્થા છે, જ્યાં બાલવાટિકા થી ધોરણ ૮ સુધી કુલ ૩૧૯ વિદ્યાર્થીઓ અભ્યાસ કરે છે. શાળા વિદ્યાર્થીઓને મજબૂત શૈક્ષણિક પાયો આપવા સાથે તેમની સર્વાંગી પ્રગતિ માટે સતત પ્રયત્નશીલ છે.

શાળા હાલ બપોર પાળીમાં કાર્યરત છે, જેમાં સોમવારથી શુક્રવાર સુધી ૧૨:૨૦ થી ૫:૩૦ અને શનિવારે ૧૧:૧૫ થી ૨:૪૫ સુધી શૈક્ષણિક કાર્ય થાય છે. શાળામાં કુલ ૧૧ કાયમી શિક્ષકો અને ૯ નોન-ટીચિંગ કરાર આધારિત સ્ટાફ, એમ મળીને ૨૦ કર્મચારીઓ કાર્યરત છે, જે શાળાના સુચારુ સંચાલન માટે મહત્વપૂર્ણ ભૂમિકા ભજવે છે.

શાળાએ GSQAC ગાંધીનગર દ્વારા જાહેર થતાં સ્કૂલ રિપોર્ટ કાર્ડમાં સતત ૩ વર્ષથી B ગ્રેડ જાળવી રાખ્યો છે, જે તેની ગુણવત્તાસભર શિક્ષણની સાબિતી છે. વિદ્યાર્થીઓ દર વર્ષે રાજ્ય પરીક્ષા બોર્ડ દ્વારા લેવાતી વિવિધ પરીક્ષાઓમાં સફળતા પ્રાપ્ત કરી મેરિટમાં સ્થાન મેળવી શાળાનું નામ રોશન કરે છે.