SHYAMJI KRISHNA VARMA PRIMARY SCHOOL

શ્યામજી કૃષ્ણ વર્મા પ્રાથમિક શાળા, લક્ષ્મીપુરા, વડોદરા એ વિસ્તારની એક પ્રતિષ્ઠિત અને ગુણવત્તાસભર શિક્ષણ આપતી શાળા છે. શાળાની સ્થાપના વર્ષ ૧૯૫૯ માં કરવામાં આવી હતી. શાળામાં બાલવાટિકા થી ધોરણ ૮ સુધીના વર્ગો કાર્યરત છે અને હાલમાં શાળામાં કુલ ૨૨૮ વિદ્યાર્થીઓ અભ્યાસ કરે છે. શાળાનો સમય સવારના ૧૦:૩૦ થી સાંજના ૫:૦૦ વાગ્યા સુધી (એક પાળી) રાખવામાં આવ્યો છે જેથી વિદ્યાર્થીઓને સુવ્યવસ્થિત રીતે શિક્ષણ આપવામાં આવે.

શાળામાં વિદ્યાર્થીઓને ગુણવત્તાસભર શિક્ષણ સાથે સંસ્કારમય અને સુરક્ષિત વાતાવરણ આપવામાં આવે છે જેથી તેઓ શિક્ષણ સાથે સારા મૂલ્યો પણ આત્મસાત કરી શકે. શિક્ષકો દ્વારા વિદ્યાર્થીઓને સતત માર્ગદર્શન અને પ્રોત્સાહન આપવામાં આવે છે જેથી દરેક વિદ્યાર્થી પોતાની ક્ષમતાઓ અનુસાર આગળ વધી શકે.

વિદ્યાર્થીઓના શૈક્ષણિક તેમજ સર્વાંગી વિકાસ માટે શાળામાં વિવિધ શૈક્ષણિક, સાંસ્કૃતિક અને રમતગમત પ્રવૃત્તિઓનું આયોજન કરવામાં આવે છે. વિજ્ઞાન પ્રવૃત્તિઓ, ભાષા વિકાસ કાર્યક્રમો, ગણિત પ્રવૃત્તિઓ, ચિત્રકલા, સંગીત, નૃત્ય અને રમતગમત સ્પર્ધાઓ દ્વારા વિદ્યાર્થીઓમાં આત્મવિશ્વાસ, સર્જનાત્મકતા અને નેતૃત્વ ક્ષમતા વિકસાવવામાં આવે છે.